പുതിയ അധ്യയന വര്ഷത്തിന്റെ ആരംഭം കുറിച്ചുകൊണ്ട് സ്കൂള് പ്രവേശനോത്സവം ജൂണ് 1 ന് വിദ്യാലയത്തില് ആഘോഷിച്ചു. ഇത്തവണ ഉപജില്ലാതല പ്രവേശനോത്സവവും വിദ്യാലയത്തിലായിരുന്നു. രണ്ടു മാസത്തെ അവധിക്കാലത്തെ കളിചിരികള്ക്ക് ശേഷം പഠനം പാല്പായസമാക്കാനുള്ള സജ്ജീകരണങ്ങളോടെയാണ് വിദ്യാലയത്തില് പ്രവേശനോത്സവത്തിന് നാന്ദിയായത്. കഴിഞ്ഞ ഒരാഴ്ചയായി അധ്യാപകരും രക്ഷിതാക്കളും സന്നദ്ധ സംഘടനകളെല്ലാം തന്നെ വിദ്യാലയത്തെ സജ്ജമാക്കാനുള്ള ശ്രമങ്ങള് നടത്തിവരികയായിരുന്നു. തലേദിവസം ക്ലാസുമുറികളും സ്കൂള് പരിസരവും കുരുത്തോലകള് കൊണ്ടും വര്ണക്കടലാസുകള് കൊണ്ടും അലങ്കരിച്ചിരുന്നു. കുട്ടികള്ക്കായി സമ്മാനപ്പൊതികളും അക്ഷരകിരീടവും വര്ണ ബലൂണുകളുമെല്ലാം തയ്യാറാക്കിയിരുന്നു.
രാവിലെ 10 മണിയോടെ ചടങ്ങുകള് ആരംഭിച്ചു. തിരുവനന്തപുരം മലയിന്കീഴ് ജി എല് പി ബി സ്കൂളില് മുഖ്യമന്ത്രി നടത്തുന്ന സംസ്ഥാനതല ഉദ്ഘാടനം തത്സമയം സ്റ്റേജില് കാസ്റ്റ് ചെയ്തിരുന്നു. നവാഗതരെ ബാന്റ് മേളത്തിന്റെ അകമ്പടിയോടെ വേദിയിലേക്ക് വിശിഷ്ടാതിഥികള്ക്കൊപ്പം ആനയിച്ചു. വര്ണബലൂണുകള് കൈയില് കിട്ടിയ കുരുന്നുകള് കാണികള്ക്ക് വിരുന്നായി.
പ്രാര്ത്ഥനയോടെ ആരംഭിച്ച ചടങ്ങില് സ്കൂള് ഹെഡ്മാസ്റ്റര് ഇന്-ചാര്ജ് ശ്രീ ശ്രീജിത്ത് കുമാര് സ്വാഗതഭാഷണം നടത്തി. പൊതുസമൂഹത്തിന്റെ പിന്തുണയോടെ വിദ്യാലയത്തിനുണ്ടായ നേട്ടങ്ങള് അദ്ദേഹം അവതരിപ്പിച്ചു. പി.ടി.എ പ്രസിഡണ്ട് ശ്രീ എം രതീഷ് അധ്യക്ഷനായിരുന്നു.
കുട്ടികളുെ കളിചിരികളാല് ഈ അധ്യയനവര്ഷം സമ്പന്നമാവട്ടെ എന്ന് വിദ്യാലയം ആശംസിക്കുന്നു.
No comments:
Post a Comment